CEBU CITY-Nalandig sa tambalanan ang usa ka foreman human kini nga gipusil sa usa ka kargador diha sa Pasil Fishport kaganihang buntag.
Giila ang suspek sa maong pagpamusil nga si Rolando Toradio, 37 anyos, minyo ug lumad nga taga probinsiya sa Bohol apan kasamtangan nga nagpuyo sa Barangay Suba, dakbayan sa Sugbo.
Sa pakighinabi sa Bombo News Team sa suspek, gihimug-atan niini nga wala kini magmahay sa iyahang gibuhat ngadto sa biktima gumikan kay giingung kanunay man siya niini gikantyawan hangtod nga nahurot gayud ang iyahang pasensya.
Matud pa nga kaganiha, nagpasalba kini sa iyahang .38 revolver nga armas apan gipatiran kini sa biktima ug giingung na-igo kini sa dughan hinungdan nga iyahang kining napusilan.
Samtang, giangkon sa asawa sa suspek nga musuyop ang iyahang bana ug hubog kini sa dihang gibuhat ang krimen.
Nagkanayon ang asawa nga dugay na niini nga gustong ipapriso ang iyahang bana apan ang inahan niini ang dili musugot.
Gidugang pa, giingung susama nga nagumon na gayud sa iligal nga drogas ang iyahang bana.
