“I don’t owe the world my heartbreak”
Mao kini ang gipaambit ni Kyline Alcantara human niatubang sa mga kontrobersiya nga iyang nasugatan kalabot sa mga nangagi niyang karelasyon.
Suma pa sa aktres, malinawon na ang iyang kasingkasing ug itugyan na lang niya sa Ginoo ang tanan.
Kahinumduman nga nahimong hisgutanan si Kyline human sa panagbuwag nila ni Mavy Legaspi niadtong 2023 ug Kobe Paras niadtong 2025.
Sa dihang gipangutana nganong wala siya mosukol o mitingog taliwala sa mga kontrobersiya, iyang tubag ‘bisan siya pasakitan, dili niya kini ipakita sa kalibutan gumikan wala siyay utang niini, ingon man ang iyang heartbreak kay iyaha lang.’
Gitataw usab ni Kyline nga dili siya motuo sa pagpanimalos ug dili niya kinahanglan nga pamatud-an ang iyang kaugalingon sa publiko.
Bisan og nasakitan siya sa mga mahukmanong komento, ang aktres niingon nga itugyan na lang niya sa Ginoo ang tanan ug magpadayon.
