Posibleng madungagan pa ang kaso nga atubangon ni KOJC Founder Pastor Apollo Quiboloy, mao kini ang giingon ni Police General Rommel Francisco Marbil, Chief sa Philippine National Police nga adunay kalabutan sa kasong human trafficking.
Human nga adunay duha ka mga indibidwal ang na-rescue gikan sa KOJC compound diin usa ka 21-anyos nga lalake ug usa ka 50-ayos nga babaye.
Ingon man nga giklaro ni Police Regional Office XI nga dili mag-inahan ang naluwas nga matud pa biktima sa human trafficking sulod sa Kingdom of Jesus Christ (KOJC) Compound.
Sumala kay Police Major Catherine Dela Rey, ang tigpamaba sa PRO XI nga ang babaeng naluwas mao ang usa ka inahan nga giparesuce sa anak niining taga-Midyasap Cotabato.
Pagsaysay pa sa anak sa biktima nga ikaduhang pagsuway na kini niya nga kuhaon ang iyahang inahan, diin niadtong milabay nga buwan, apan, napakyas kini human giingong sa unom ka oras nga nagpaabot sa gate sa maong compound.
Dugang pa niini nga adunay nakasulti kaniya nga nasakit iyahang inahan, maong nabalaka kini.
Samtang ang lalake usab nga 21-anyos ang mihangyo nga iluwas sa iyahang mga ginikanan sa Samar gumikan dili matud pa kini siya paulion.
