Nisaka na usab ang ihap sa kaso sa sakit nga chikungunya sa 40 ka nasod karong tuiga, apil na ang mga lugar nga dugay nang wala nakataho og kaso.
Kini ang gibutyag sa World Health Organization (WHO) diin gikan sa Enero hangtod Septiyembre, ang hiniusang gidaghanon sa gidudahang ug kumpirmadong kaso niabot sa 445,271 ug 155 ang namatay.
Samtang ang pipila ka mga rehiyon nakatala sa pagtaas sa mga kaso kun itandi sa 2024 diin ang uban nakakita nga pagkunhod. Ang dili patas nga pag-apod-apod sa mga kaso nagpalisud sa pagtino kung kini usa ka global nga pagtaas.
Ang pagbiyahe sa mga tawo nga nataptan ug ang presensya sa mga lamok nga “Aedes” nagdugang sa risgo sa local transmission.
Ang mga hinungdan nga nakatampo sa pagkaylap naglakip sa kakulang sa resistensya sa populasyon, urbanisasyon, ug pagbag-o sa klima.
Ang WHO padayon nga nanawagan sa mga nasud nga palig-onon ang pagbantay, pagkontrol sa lamok, ug pagkaandam sa sistema sa kahimsog.
