CEBU CITY- Mitaas ang mga kaso sa dengue sa dakbayan sa Sugbo, gumikan sa padayong dili maayong panahon nga nasinati sa dakbayan.
Kini sumala ni Cebu City Acting Mayor Raymond Alvin Garcia sa eksklusibong pakighinabi niini sa Bombo Newsteam.
Matod sa Acting Mayor, nagpadayon ang preventive measures sa kagamhanang dakbayan sa Sugbo sama nalang sa fogging, larvicide planting ug uban pang intervention actions aron mapuo ang dengue-carrying nga mga lamok.
Dugang pa sa opisyal nga ang ilang gihimo nga preventive measure nga mga aksyon maoy hinungdan sa pagkunhod sa aktibong kaso nga natala sa mga tambalanan ug ubang health facility sa dakbayan sa Sugbo ning bag-ohay lamang.
Samtang, naka-standby pa ang desisyon sa Acting Mayor sa pagdeklarar og public health emergency sa kaso sa dengue tungod kay nagpaabot pa kini sa uban pang statistical data kon ang sakit nga dengue sa dakbayan milapas na sa epidemic threshold sa kinatibuk-ang populasyon.
