Misaka sa 10% ang mga kaso sa sakit nga Dengue karong tuiga sa dakbayan sa Mandaue matud pa sa City Health Office (CHO) niini diin may kalabutan usab sa mga nakalabayng semana nga mga pag-uwan nga miresulta sa padayung pagkatap sa mga lamok.
Dunag pa City Health Office nga nakatala ug 248-ka mga kaso sa dengue, diin 10% ang pagtaas kumpara sa nakalabayng tuig.
Gilangkuban sa mga barangay sa Canduman nga adunay 21-ka kaso nga gisundan sa Jagobiao ug Paknaan nga adunay 19-ka mga kaso, 16 sa Banilad ug 15-ka mga kaso usab sa Maguikay.
Matud pa ni Dr. Frenzy Antonette Tadle, Medical Coordinator sa Aedes-borne Viral Disease Prevention and Control Program, nga ang pag-ulan nga nasinati karong tuiga gituohang nakatampo sa pagsaka sa kaso sa dengue.
Dugang pa niini nga gihingusgan usab sa CHO ang ilang kampanya batok sa dengue pinaagi sa information dissemination, mosquito breeding site mapping, entomological surveys, ug ang pagpaaktibo pag-usab sa barangay-level dengue brigades.
Dugang pa, giawhag ang mga Mandauehanon nga magpatambal kung makasinati sila og mga sintomas sa dengue sama sa hilanat, labad sa ulo, ug muscle pains.
