Gipasiugda ni Prosecution Legal Spokesperson Atty. Benjamin Tolosa, ang panginahanglan nga susihon sa impeachment court kung ang mga kabtangan nga nagkantidad og P98.5 milyon, nga gideklarar ni Bise Presidente Sara Duterte sa iyang 2025 Statement of Assets, Liabilities, and Net Worth (SALN), haom ba sa mga transaksyon sa panalapi nga gibutyag atol sa pagdungog.
Gihisgutan usab ni Tolosa ang pipila ka dagkong transaksyon sa kwarta, lakip na ang giingong pag-withdraw og P41 milyon sa usa lang ka adlaw, nga gibahin ngadto sa mga kantidad nga P23 milyon ug P18 milyon.
Matod niya, kinahanglan nga susihon pag-ayo kining mga impormasyon aron matino kung ang net worth nga gideklarar sa SALN igo bang napatin-aw.
Gipasabot ni Tolosa nga ang mga rekord gikan sa Anti-Money Laundering Council (AMLC), nga maoy tigdawat og mga taho gikan sa mga bangko ug uban pang mga institusyon nga sakop sa maong balaod.
Gipasiugda niya nga ang usa ka “suspicious transaction” o kadudahang transaksyon wala magpasabot dayon nga adunay nahimong krimen, ug namatikdan nga ang maong mga transaksyon nagkinahanglan gihapon og katin-awan ug pagsusi sulod sa proseso sa impeachment.
