Apektado ang daghang mga transaksyon sa dagkong mga nasud karon tungod sa kaylap nga IT outage.
Lakip sa naigo niini mao ang mga higanteng kompanya sa tibuok kalibotan.
Diin miresulta kini sa paghunong sa mga biyahe sa US, diin liboan ang wala makabiyahe ug na-stranded sa mga tugpahanan.
Ingon man sa United Kingdom, nga naapektuhan usab ang mga
operasyon.
Samtang ang telekomunikasyon apektado sa Australia.
Tungod niini, daghang mga negosyo ug ilang mga kustomer ang dili makapadayon sa mga transaksyon.
Gisusi sa mga eksperto ang insidente.
Sa Pilipinas, naapektuhan usab ang pipila ka mga flight nga naggamit sa susamang mga software nga nag-malfunction sa ubang mga nasud.
Diin ang Civil Aviation Authority of the Philippines nga nangandam sila sa pagdaghan sa mga pasahero nga naghulat sa mga tugpahanan tungod sa isyu sa sistema nga nakaapekto sa mga operasyon sa eroplano.
Gani, ilang gi-activate ang irregular operations protocols ug hugot nga nakig-alayon sa mga airlines, PNP Aviation Security Group, ug Office for Transportation Security.
