Mibida ang Pinoy basketball player nga si Kevin Quiambao human mipakita sa iyang kahanas sa usa ka liga sa gawas sa nasud, ang Korean Basketball League (KBL).
Misulbong ang iyang scoring atol sa duwa sa iyang team batok sa Wonju team.
Diin, ang player mitala sa iyang career high nga 36 points sa pagtapos sa duwa sa iskor nga 86-82 pabor sa iyang team.
Ang iyang performance sa duwa giubanan og 12 ka rebounds, 3 ka assists, ug 2 ka steals samtang ang team miabante aron paggukod sa 22 puntos nga labaw sa kaatbang.
Mao kini ang unang kadaugan ni Kevin Quiambao sa Goyang human mapildi sa miaging duwa sa Anyang team.
Gumikan niini, nanghinaot ang ilang mga dumadapig nga magpadayon pa ang ilang pagsaka sa kasamtangang record nga 11 ka daog ug 24 ka pildi.
Gilauman usab nga makahatag usab si Kevin Quiambao sa Gilas og maayong performance sa ilang preparasyon alang sa umaabot nga FIBA Asia Cup 2025.
