Mag-atbang sa usa ka high-stakes middleweight showdown ang duha ka bantog nga mixed martial artists nga sila si Khamzat Chimaev ug Sean Strickland sa Mayo 10, 2026, isip main event sa UFC 328 nga ipahigayon sa Prudential Center sa Newark, New Jersey.
Ang away giisip nga usa sa pinaka-gi-anticipate nga bout sa UFC Middleweight Division, tungod sa magka-lahi nga track record ug personal nga kasaysayan sa duha ka fighters.
Si Khamzat Chimaev, nga nagkupot og wala pay pildi nga rekord nga 15-0, mosulod sa octagon nga puno og momentum ug kusog nga grappling-heavy style nga nakapadaog kaniya sa iyang unang mga UFC fights.
Sa pikas bahin, si Sean Strickland, nga adunay professional record nga 30-7, usa ka former UFC Middleweight Champion.
Apan nawad-an siya sa iyang titulo human mapildi pinaagi sa knockout ni Dricus du Plessis pipila ka bulan ang milabay.
Dili lang sports rivalry ang nagpaluyo sa away, kana gumikan kay kaniadto, si Chimaev ug Strickland nagsugod isip training partners hangtod sa 2022, apan nagkabulag human giakusahan ni Strickland si Chimaev nga usa ka bully sa gym.
Ang tensyon misamot hangtod nga ang duha ka kampo miuyon nga ipatuman ang usa ka opisyal nga MMA bout aron husayon ang ilang panagbangi.
Karon, ang ilang personal nga isyu ug kompetisyon sa division gilauman nga motaas pa ang interes sa fans samtang nagduol ang fight night.
