Sean ‘Diddy’ Combs, gibutang sa solitary confinement sa prisohan

Gibutang sa solitary confinement ang rapper nga si Sean “Diddy” Combs human nakig-away sa laing piniriso sa usa ka federal prison sa New Jersey.

Gibutyag sa usa ka imbestigasyon nga ang rapper ug laing priso naglalis nga misangpot sa away.

Ingon man wala pa makahatag og dugang detalye ang mga representante sa Federal Bureau of Prisons.

Ang rapper kasamtangang nagserbisyo og 50 ka bulan nga sentensiya human nakonbikto sa mga kaso nga may kalabutan sa prostitusyon.

Ang rapper nabilanggo sukad sa Setyembre 2024 ug gilauman nga makagawas sa 2028.