Gibutyag sa Commission on Elections nga mamahimo pa gihapong makadagan sa himuong special election si kanhi Cavite 4th District Rep. Kiko Barzaga, human kini mapalagpot sa iyang pwesto isip Congresman niadtong Martes Mayo 2.
Sumala ni Comelec Chairman George Garcia, nga ang expulsion usa lamang ka administrative sanction ug wala kini nagpasabot og perpetual disqualification sa paghawid og public office. Gitino usab sa Comelec ang planong posibleng special election sa Dasmariñas, Cavite karong Agosto 2026 aron matapalan ang bakante nga puwesto, kansa gibanabanang mokabat og P200 milyon ang posibleng mahimong gasto tungod sa gidaghanon sa botante.
Sa pikas bahin, samtang nagpadayon ang imbestigasyon sa mga campaign contributors ni Sen. Rodante Marcoleta ug Sen. Chiz Escudero, matud ni Garcia nga adunay kakulangon ug imbalance sa balaod ang eleksyon nga nag-protekta sa mga kandidato apan nagpahamtang og liability sa mga donors.
Ang Ombudsman nag-andam usab og plunder case batok sa duha ka senador samtang nagpahamtang og precautionary travel ban sa pipila ka personalidad nga nalambigit sa kaso.
