CEBU – Human madesisyonan ug ma-aprobahan sa Kongreso ang higpit na nga pagpostpone sa Barangay and Sangguniang Kabataan Elections, daghan ang misang-at og reklamo o petsiyon aron ikonsiderar ang pagpadayon niini.
Ingon man adunay uban nanawagan sa Comelec nga supakon ang maong desisyon gumikan walay katungod ang Kongreso nga manghilabot sa maong butang gumikan na usab trabahon kini sa komisyon.
Apan, sa eksklusibong pakighinabi kang Atty. Virgil Ligutan , UP-Diliman law professor, nga niining higayona sakto si President Ferdinand “Bongbong” Marcos Jr. nga ipostpone ang maong eleksyon.
Matod pa nga adunay katungod ang Kongreso nga mopasar og balaud gumikan mao kini ang estado sa atong balaud.
Gitino ni Ligutan nga nakalatid sa atong konstitusyon nga ang Kongreso maoy magtakda sa village and youth council elections hinungdan nga aduna usab silay gahum sa pagpostpone niini bisan paman nga 3 ka tuig lamang ang teermino sa mga barangay officials.
Apan, gitino ni Ligutan nga kung mahitabo nga ang city, municipal ug national election na ang i-postpone dili na kini posible gumikan daw sama sa nalatid na kini sa batakang balaud gawas nalang kung adunay charter change.
