CEBU CITY-Gitudlo isip bag-ong Chairman sa South Road Properties (SRP)management board sa dakbayan sa Sugbo si Cebu City Councilor Atty. Rey Gealon.
Kini human gi-anunsyo ni Cebu City Acting Mayor Raymond Alvin Garcia ang maong kalamboan sa nahitabong groundbreaking ceremony sa usa ka dakong patigayon sa luna (real estate) sa SRP.
Matod pa sa Acting Mayor nga kini aron sa mas aktibong pagdumala sukwahi sa mga nakalabay nga pamunoan.
Nakita ni Garcia nga haom si Gealon sa katungdanan isip SRP management board chairman.
Kinahanglan usab nga atubangon ni Gealon ang tinguha nga matuman ang mga proyekto nga gihimo sa Department of Public Works and Highways (DPWH) alang sa SRP, sama nalang sa gikatahong “roundabout” ug pito ka taytayan nga magdugtong sa SRP ngadto sa mainland Cebu City.
