Konsulado sa China sa lungsod sa Myanmar, gi-atake gamit ang explosive device

Giatake ang konsulado sa China sa lungsod sa Mandalay sa Myanmar gamit ang usa ka eksplosibo nga aparato.

Maayo nalang nga walay natala nga namatay o nanagol sa maong pag-atake.

Ang pagbuto nahitabo sa opisina sa konsulado sa sentro sa Mandalay, habagatan sa lapad nga Royal Palace.

Usa ang China sa mga dakong kaalyado ug supplier og armas sa junta sa Myanmar, apan nagpadayon usab kini nga relasyon sa mga etnikong grupo nga nakig-away sa militar sa amihanang estado sa Shan sa Myanmar.

Diin nagkagubot ang Myanmar sukad gipalagpot sa militar ang gobyerno ni Aung San Suu Kyi ug giilog ang gahum kaniadtong 2021.