CEBU CITY-Nasikop sa entrapment operation sa NBI-CEVRO si Fire Inspector Roy Mat Castro sulod sa usa ka high-end restaurant sa Archbishop Reyes Avenue sa dakbayan sa Sugbo, niadtong Huwebes, Hunyo 27, 2024.
Sa pakighinabi sa Bombo Radyo Cebu kang Atty Wenceslao Galendez, ang Executive Officer for Operations sa NBI-CEVRO nga maoy nagpasiugda sa entrapment operation human gipasanginlan si Castro, kinsa hepe sa Fire Safety Enforcement Section sa Cebu City Fire Station, nangayo og kwarta sa usa ka babaye nga aplikante.
Giingong nangyo siya sa maong babaye nga aplikante og P400,000 bugti sa ‘guaranteed approval’ nga makasulod sa maong ahensya isip Fire Officer 1.
Hinuon mireklamo ang biktima ngadto sa mga otoridad hinungdan nga gihimo ang nahisgutang operasyon.
Ang NBI-7 nirekomendar nga ang fire inspector pasakaan og kasong Anti-Graft and Corrupt Practices Act (RA 3019), Direct Bribery to analysis RPC, ug administrative sanctions sa Grave Misconduct.
Sa pagkakaron anaa sa kustodiya sa NBI-CEVRO ang akusado samtang nagpaabot sa pagbalhin sa kaso batok kaniya ngadto sa korte.
