LAPU-LAPU CTY- Nagpahigayon ug inventory operation ang Regional Trial Court sa dakbayan sa Lapu-Lapu sa Tourist Garden Hotel sa Barangay Agus diin maoy pugad sa illegal nga operasyon sa POGO nga nasikop sa mga awtoridad niadtong Agosto 31, 2024.
Mismong ang Executive Judge sa korte ang nangunay sa inventory sa mga ebidensya uban ang pipila ka mga court personnels.
Nasakmit sa maong inventory operation ang pipila ka mga computers ug mga vaults nga makinarya sa illegal nga operasyon sa POGO.
Tumong sa maong operasyon, nga ang mga nasakmit nga ebidensya mapailalom sa imbestigasyon aron makakuha sa issuance sa warrant ug ma-disclose ang mga computer data.
Dugang pa, nga mangayo usab sila og permiso sa korte nga ablihan ang mga vault aron magamit nila isip dugang ebidensya sa pagpasaka sa kasong Anti-Money Laundering Act sa mga dinakpan.
Gipahibalo nila ni OIC-Regional Prosecutor Graeme June Elmido ug si National Bureau of Investigation – Central Visayas (NBI-7) Regional Director Atty. Rennan Augustus Oliva, ang kalamboan sa operasyon ilabi na sa mga dinakpan niini nga mga langyaw.
