CEBU CITY- Gidayeg sa bag-ong OIC sa Police Regional Office 7 ang tanang paningkamot sa kapulisan ug ubang pwersa sa Central Visayas nunot sa pagmenos sa index crime sa tibuok Central Visayas gikan sa Nobyembre 24-30, 2024 itandi sa susamang period sa miaging tuig.
Diin matud ni Police Brigadier General Roy Parena ang Officer In-Charge sa PRO-7 nga basi sa ilang datos sa miaging tuig nakatala sila og 85 ka insidente sa krimen ug karong tuiga kay anaa lang sa 51 o 40% ang pag-us-os niini.
Ang mga krimen nga mitibugsok mao ang homicide, physical injuries, rape ug theft samtang sa kaso sa robbery maoy dakong natapyasan ngadto sa 78.57 porsiento gikan sa 14 nga insidente sa miaging tuig ngadto sa 3 karong tuiga.
Gipaambit ni Police Lieutenant Colonel Janette Rafter, ang tigpamaba sa PRO-7 nga ang hinungdan sa pag-ubos sa krimen sa tibuok rehiyon tungod sa pagpakaylap sa ilang mga personnel sa kadalanan.
Ingon man nga mas lauman pa nga pahugtan nila ang ilang seguridad ning nangsingabot nga pasko ug bag-ong tuig aron masiguro ang kahapsay ug kalinaw sa dakbayan.
Subay niini, magpadala ang PRO 7 og augmentation sa tulo ka dagkong syudad sa Central Visayas gikan sa Regional Mobile Force Battalion 7 nga i-deploy sunod semana.
Diin ang maong mga personahe kay idugang sa mga police station sa dakbayan sa Sugbo, Mandaue ug Lapu-Lapu ug magamit usab kini sa pagpakatap sa mga kalihukan sa Sinulog 202.
