Nahuman na ang Grand Guadalupana Procession, diin gipuno sa Cebu ang kadalanan sa pagtuo ug mga imahen sa Mahal nga Birhen gikan sa tibuok Archdiocese.
Uban sa mga kasingkasing nga puno sa pagtahod, ang Archdioceses sa Sugbo nagtigom sa pag-ampo nga panaghiusa alang sa Grand Guadalupana Procession, nga nagpasidungog sa atong minahal nga patrona ug langitnong Inahan, ang Nuestra Señora de Guadalupe.
Samtang ang mga deboto naglakaw nga magkauban sa kadalanan, ang matag lakang nahimong usa ka buhing pag-ampo sa pagpasalamat, paglaum, ug lawom nga debosyon sa Mahal nga Birhen Maria, kansang inahanong gugma padayon nga nanalipod ug naggiya sa mga matinud-anon nga Cebuano.
Sama sa 80-anyos, madasigon gihapon nga mosalmot sa Grand Guadalupana Procession ang taga Jubay, Liloan nga si Remedios Claros isip kabahin sa iyang lig-ong debosyon ngadto sa Mahal nga Birheng Maria.
Pangaliya niya karon ug sa umaabot nga birthday sa Mahal nga Birhen nga unta hatagan siya ug taas nga kinabuhi aron nga magpadayon ang iyang paggiya ug pag-ampo ngadto sa iyang mga minahal sa kinabuhi
