Opisyal ng gisirad-an ang giingon nga pinakadakong Philippine Offshore Gaming Operator o kon POGO hub sa nasod nga mao ang Island Cove sa May Binakayan, Kawit Cavite.
Gipangulohan ni Interior Secretary Jonvic Remulla, Philippine National Police (PNP) Chief Gen. Rommel Marbil, Philippine Amusement and Gaming Corporation (PAGCOR) Chairman Alejandro Tengco, ug Presidential Anti-Organized Crime Commission (PAOCC) Director Gilbert Cruz ang pagsarado sa maong POGO hub.
Lakip usab niini ang mga personnel gikan sa Department of Justice (DOJ), Bureau of Immigration (BI) ug lokal nga kagamhanan sa Cavite.
Gibuhat kini sa mga awtoridad bisan sa wala pa ang Disyembre 31 nga deadline alang sa hingpit nga pagsira sa tanang POGO sa nasud subay sa direktiba ni Presidente Ferdinand Marcos Jr.
Ang Island Cove adunay kinatibuk-an nga 57 ka mga establisemento diin 32 niini mga dormitoryo sa ilang mga trabahante.
Matod ni Island Cove general manager Ron Lim, mokabat sa 12,000 ka mga Filipino workers samtang kapin sa 4,000 ka mga langyaw ang mawad-an og trabaho tungod sa pagpasira sa POGO hub.
