Labing menos lima, patay human naligid ug nahagsa ang usa ka tour bus sa New York City

Labing menos lima ka mga tawo ang namatay human naaksidente ang usa ka tour bus sa New York City.

Matud sa tigpamaba sa New York State Police nga si James O’Callaghan nga ang bus kay adunay sakay nga 50 ka mga pasahero gikan sa Niagara Falls ug mobalik sa New York City sa dihang ang aksidente nahitabo sa usa ka highway sa lungsod sa Pembroke, silangan sa Buffalo, New York.

Ang bus naligid sa taas nga dalan, uban sa mga menor de edad nga mga pasahero.

Gitawag ni New York Gobernador Kathy Hochul ang insidente nga usa ka “makasubo.”

Kasamtangang gisusi pa sa mga otoridad ang hinungdan sa aksidente.