Miduso ug resolusyon ang Hunta Probinsyal nga PB Member Lorenz Lagon sa ikatulong dirstrito sa Probinsya sa Sugbo nga nag-awhag sa mga patigayon, tindahan ug konsumidor nga magbinantayon sa pag transact sa gcash ug uban pang digital wallet.
Kini nunot usab sa pagsibaw sa mga impormasyon nga sagad mopahimulos ang mga scammer pinaagi sa pagbalhin o pag-ilad sa mga biktimahonon.
Matod ni Lagon nga ang angayan ra gayud buhaton sa mga tindahan ug patigayon mao ang dili pag share sa mga OTP kun one time password nga ilang madawat sa ilang tagsa-tagsa ka mga cellphone aron kalikayan ang pagka biktima sa mga scammer.
Sa mga mobayad usab o mo transact mas maayo usab nga siguradoon kung insakto ba gayud ang numero nga ilang gi transact aron dili usab mabiktima sa mga scam.
