Nakarekober og tulo pa ka patayng lawas ang mga Philippine Coast Guard (PCG) sea divers gikan sa nalunod nga MV Trisha Kerstin 3 sa kadagatan duol sa Baluk-Baluk Island niadtong Domingo, Pebrero 15, 2026.
Tungod niini, niabot na sa 57 ang namatay, samtang 293 ang naluwas ug 22 ang wala pa mailhi.
Sumala sa PCG, ang opisyal nga numero gikan sa koordinasyon sa PNP-SOCO, CDRRMO, Coast Guard District Southwestern Mindanao, ug sa mga pamilya sa mga biktima.
Samtang, ang Department of Transportation nagsang-at og kaso batok sa tulo ka opisyal sa Maritime Industry Authority (MARINA) kalabot sa pag-isyu og mga safety certificate para sa barko. Usa sa mga hinungdan sa trahedya mao ang posibleng overloading.
Giandam na usab ang kanselasyon sa Certificate of Public Convenience sa Aleason Shipping lines, nga kasamtangang suspendido ang operasyon samtang padayon ang imbestigasyon.
