Mipatay sa dili muminos 20 ka tawo ug miangol sa laing 80 ang bag-ong pagpamomba sa pwersa sa Israel ngadto sa Gaza sumala pa sa mga local health authorities sa Palestine niadtong Sabado, Nobyembre 22 nga nagsukod sa kalig-on sa ceasefire agreement sa Hamas ug Israel.
Pipila ka mga saksi og medics ang misaysay nga ang unang pagpangataki kay miigo sa usa ka sakyanan sa densely populated nga Rimal neighborhood nga nakapadilaob kini sa maong dapit.
Apan dili pa klaro sa pagkakaron kung ang limang namatay kay mga pasahero sa sakyanan o mga pedestrian ingon man dose-dosena sab ang nakahiagom og sunog sa ilang panit nga daling gidalitan og atensyong medikal.
Human sa unang pagpangataki, duha ka laing airstrike sa Israeli air force ang miigo sa duha ka panimalay sa Deir Al-Balah city ug Nuseirat camp sa central Gaza Strip nga mipatay sa dili muminos 10 ka tawo ug nag-angol sa pipila.
Ang ikatulong pagpangataki kay kay miigo napud sa panimalay sa western Gaza City diin laing lima ka mga Palestino ang patay ug nag-angol ug pipila nga miabot ang death toll sa ihap nga 20.
