Cebu City-
- Sikop ang lain pang suspect sa pagpatay sa Kapitan sa Brgy. Ermita nga si Kapitan Felicisimo Imok Rupinta. Giila ang nasikop nga si Jordan Gera,29 anyos.
Matud ni Police Regional Office (PRO-7) Director nga si PCSUPT Jose Mario Espino nga nasikop nila si Gera sa Sitio Mangga, Brgy. Jugan lungsod sa Concolacion Probinsya sa Sugbo pinaagi sa ilang mga asset.
Giingong natumbok si Gera pinaagi sa cartographic sketch human gipagawas kini niadtong una na nga nasikop ang suspect nga si Jimmy Largo nga kasamtangang natanggong karon sa bilanggoan ug napasakaan na og kaso.
Si Gera ang giingong sakay sa lain pang motorsiklo ug usa sa mga mipusil atol sa pagpmanhig sa naasoy nga kapitan. Positibo kini nga giila ni Jocelyn Mendoza ang common law wife nga kauban sa kapitan sa dihang gibanhigan sila.
Samtang gihimakak sa suspek nga si Gera ug giingon niini nga wala siya kahibaw sa mga gipanulti ni Mendoza. Nasayran nga at large pa ang lain pang mga suspek sa pagpamanhig kauban ang mastermind niini.
Gisiguro usab ni Espino nga wala pa nakagawas sa Cebu ang mga suspek.
