CEBU CITY-Nadugangan og laing tulo ka mga barangay ang gideklarar sa Regional Oversight Committee nga nalimpyo gikan sa iligal nga drogas.
Gipahibalo ni Ernest Herrera, ang overseer sa Cebu City Office for Substance Abuse Prevention (COSAP), nga 25 na ka mga barangay ang nadeklarar nga drug cleared human nga madugang ang Barangay Kasambagan, Cambinocot ug Zapatera.
Matud pa, nagpadayon ang ilahang kampanya batok iligal nga drogas diin kauban sa COSAP ang Barangay Anti-Drug Abuse Council (BADAC), Cebu City Police Office (CCPO), Philippine Drug Enforcement Agency (PDEA) ug Department of Interior and Local Government (DILG).
Gibutyag usab ni Herrera nga gumikan sa paningkamot sa mga barangay officials nga mahimong drug-cleared ang ilahang barangay, gihatagan kini sila og P100,000 cash incentives.
Nanghinaut kini nga panalaminan sa uban pang mga barangay sa syudad ang maayong gawi nga nahimo sa uban.
Sa 80 ka mga barangay, anaa pa lang sa 25 ang nahimong drug-cleared o 13% sa kinatibuk-ang ihap.
Masaligon ang kagamhanan sa dakbayan sa Sugbo nga malimpyohan gayud gikan sa iligal nga drogas hinungdan nga tibuok ang suporta ni Cebu City Mayor Michael Rama sa mga nagkadaiyang barangay.
