Lakers kinahanglang huptan ang ‘Big Three’ apan nanginahanglan usab og mga batan-ong players – Shaquille O’Neal

CEBU – Gibutyag ni Lakers legend Shaquille O’Neal nga kinahanglang huptan sa Los Angeles Lakers ang ‘Big Three’ nga sila si LeBron James, Russell Westbrook ug Anthony Davis apan kinahanglang palibutan kini og mga batan-ong players nga makapatumba sa ilahang kaatbang.

Ang nahitabong pagka-angol nila ni Davis ug James usa sa nakapugong nga makahimo og kalampusan diin daghang duwa ang wala maapili.

Tataw ni O’Neal nga kinahanglan sa Lakers og mas mga bata nga players gumikan anaa na sa average age nga 30 anyos ang kasagaran sa ilahang mga nagduduwa.

Tino pa niini, nga dili na mahimo sa usa ka koponan nga adunay lima o unom ka mga player nga nagpangedaron og kapin sa 30 anyos gumikan ang liga sa kasamtangan nagkabata ug nagkapaspas.