Napalgan ang patayng lawas sa usa ka lalaki, sa kasagbutan nga daplin sa dalan sa Purok Kapanag, Brgy. Naalad, sa dakbayan sa Naga Cebu kagahapong adlawa Miyerkules, alas 5:30 AM.
Nailhan ang biktima nga si Jabnell Laspinyo Canillo, 36-anyos, ulitawo, usa-ka security guard ug residente usab sa naasoy nga lugar.
Atol sa Imbestigasyon, nagtou ang Inahan niini ug ang mga nakasaksi nga natulog lang ang maong lalaki sa kasagbutan, kini gumikan kay nagtrabaho kini isip security guard sa usa ka mall sa dakbayan sa Talisay, ug gi-ingung naandan na niini nga matulog sa maong dapit human sa iyang shift.
Gikadudahan usab nga ang maong napalgang patay nga aduna kini gipamati nga Hypertension.
Gidala ang maong patayng lawas sa tambalan sa Dakbayan sa Naga ug gideklarang patay.
Matud sa Imbestigador nga si Aristeo Tampus, nga walay nakitang foul-play sa maong kamatayon sa lalaki apan girekomendar niini nga ipaubos ang patayng lawas sa autopsy aron masuta ug aduna ba gayud kini foul-play sa maong kamatayon. | Bombo Nathaniel Sandoval
