Usa ka truck ang nalimbuwad pasado alas 12:00 sa tungang gabii niadtong adlawng Domingo, Mayo 10, 2026, human kini nabara sa tumoy sa Tabunok Flyover samtang gikataho nga padulong kini mopalit og isda sa Pasil.
Ang drayber, kinsa nakaangkon og gagmay nga mga samad, mibutyag nga mosaka na unta siya sa flyover sa dihang iyang nasugatan ang laing sakyanan nga hayag kaayo ang suga sa atubangan.
Tungod sa silaw sa suga, wala niya namatikdan ang sinugdanan sa rampa sa flyover, hinungdan nga nabalintong ang trak.
Upat pa ka pasahero ang gitaho nga luwas ug nakaangkon lang og gagmay nga mga samad ug bun-og.
Gumikan sa panghitabo, nakamugna kini ug kahout sa trapiko sa flyover sulod sa halos usa ka oras samtang ang mga kabomberohan og sakop sa mga kapulisan daling miresponde aron ipabarug pagbalik ang truck
