Nitumaw ang usa ka insidente sa pagpamusil karong Biyernes sa hapon, Hunyo 27, 2025 sa dakbayan sa Danao sa amihanang bahin sa Sugbo.
Base sa spot report nga nakuha sa Bombo Radyo Cebu Newsteam gikan sa Cebu Police Provincial Office (CPPO), takna alas 12:20 sa udto na report sa kapulisan nga adunay usa ka lalaki nga armado sa dalan P. Del Pilar, Barangay Poblacion, Danao City diin girespondehan dayon kini sa mga awtoridad.
Sa inisyal nga impormasyon, ang suspetsadong lalaki kinsang ang pagkatawo wala pa mailhi kay nangilog og revolver gikan sa usa ka security guard hinungdan sa maong ugat sa panghitabo.
Ang Danao City Police Station ang miresponde niini inabagan sa mga personahe gikan sa Bureau of Jail Management and Penology (BJMP) og didto adunay ginukuray nang nahitabo.
Ang suspetsado daling mipusil sa mga naggukod nga opisyales sa balaod og didto napusilan ang usa ka pulis diin ang return fire sa mga awtoridad ang miigo usab sa suspetsado.
Parehong ang suspek ug ang police officer nakahiagom og dagkong mga samad-pinusilan nga daling gidala sa Cebu Provincial Hospital – Danao para sa atensyon medikal.
