CEBU CITY-Patay ang usa ka lalaki human nga nagbangga ang iyang gisakyan nga motorsiklo ug ang gikasugat niini nga mini bus sa National Highway sa Baragay Magay, lungsod sa Compostela.
Giila ang biktima nga si Nelson Avila Jr., nga taga Tuburan Tabok, dakbayan sa Danao diin paingon kini sa tambalanan arun abagan ang iyang bag-ong nanganak nga asawa samtang ang drayber sa jeep mao si Rene Matugas.
Sa pakighinabi sa Bombo Radyo Cebu News Team kang PCpt Lino Tryss Dacudao Galvan III, ang OIC sa Compostela Police Station nga gitan-aw na nila ang mga CCTV arun masuta ang mga anggulo kon unsa ang nahitabo atol sa insidente gumikan matud pa niini wala’y laing saksi hilabi na nga kusog ang bunok sa uwan.
Subay niini, wala’y plano nga mopasaka og kaso ang pamilya sa biktima gani, nakighusay na kini sa drayber sa dyip.
