-- ADVERTISEMENT --
Patay ang usa ka wala pa mailhing lalaki human giingong nalambigit sa gubot nga demonstrasyon (riot) sa Mendiola niadtong Domingo, Setyembre 21.
Sumala sa impormasyon nga gipagawas sa Department of Health (DOH), nadala pa ang biktima sa tambalanan apan namatay kini tungod sa grabeng samad nga naangkon.
Hangtod karon, padayon pa nga gisusi sa mga otoridad ang pagkatawo sa biktima samtang nagapadayon usab ang imbestigasyon aron matino ang hinungdan sa insidente ug kung kinsa ang responsable niini.
Wala pa ipadayag sa mga otoridad ang dugang detalye kabahin sa motibo sa krimen, apan gipaabot nga magpagawas sila og opisyal nga pahayag sa mosunod nga mga adlaw samtang nagapadayon ang ilang imbestigasyon.
