CEBU CITY-Nagtingkagol sa prisohan ang 39-anyos nga lalaki ug gialyasan nga “Bisong” atol sa gilusad nga buy-bust operation sa Sitio San Roque, Banawa, Barangay Guadalupe ning dakbayan sa Sugbo.
Nakuha sa suspetsado ang mga binulto sa gituohang shabu nga motimbang sa 100 gramos nga adunay gibana-banang kantidad nga P680,000.00.
Sa pakighinabi sa Bombo Radyo Cebu kang PMajor Miles Damoslog, ang hepe sa Guadalupe Police Station, gipaambit niini nga dugay ng gimonitor ang maong suspetsado ug karon lang nakahigayon nga makakonektar sa maong indibidwal.
Matud pa sa hepe nga dili lang kini ang unang higayon nga napriso ang suspek tungod kay ikatulo na ka higayon ug walay katagbawan gumikan sa susamang kalambigitan sa illegal nga drogas.
Gani, padayon pa ang pag-imbistiga sa kapulisan kon asa gikan ang source sa suspek arun masubay ang tinubdan niini.
