CEBU – Gipangita pa sa kapolisan ang usa ka lalaki nga nidunggab patay sa iyang iyaan ug niangol sa 53-anyos nga paryente sa iyaan sa San Juan Purok 3, Barangay Bonbon, lungsod sa Aloguinsan sa tungatungang kasadpan sa Sugbo,mga pasado alas 2:30 sa hapon Hunyo 26,2022.
Giila ni Staff Sargent Marvin Hubahib,sa Aloguinsan Police Station,ang suspek nga si James Harvey Nenggasca naa sa hustong edad.
Samtang ang namatay nga biktima giila nga si Arsenia Nenggasca Alidani sa hustong edad, iyaan sa suspek; ug ang samdan nga biktima nga si Belen Biton, 53.
Matod pa ni Hubahib nga tulis ang posibleng motibo sa krimen.
Dugang pa, nga ang suspek giingong nidagan palayo dala ang wala matinong kantidad sa kuwarta nga nakuha sa tindahan sa biktima.
Nakaangkon og daghang samad dinunggaban sa kalawasan ang biktima nga si Alipani nga maoy hinungdan sa iyang kamatayon.
Sa pagsulat niining balitaa, pabiling gawasnon si James Harvey Nenggasca ug padayon pa nga nagpahigayon og manhunt operation ang kapulisan batok kaniya.
Nanawagan ang mga kapulisan sa Aloguinsan Police Station,nga kung Kung kinsa katong nakakita og nakahibaw sa nahimutangan karun sa maong suspek palihug pag tawag og pahibawo sa Aloguinsan MPS hotline number 09089157218/09278801190.
