Matud ni Atty. Wendel Dinglasan, ang Regional Director sa LTO-7 nga padayon silang mopahimangno sa mga motorista nga mo sunod sa traffic rules and regulations aron malikay sa mga grabeng disgrasya nga posibleng mahitabo sa kadalanan.
Sigon niini nga tumong sa buhatan nga makabaton og disiplina ang mga motorista sa kadalanan ug aron siguraduhon ang kaluwasan sa pagbiyahe.
Nanghinaot si Dinglasan, nga dili gamiton sa publiko ang sitwasyon sa krisis nga nasinati, aron lang sa dili pagsunod sa lagda sa trapiko gumikan kay mas importante ang preserbar sa kinabuhi sa mga motorista.
Dugang pa sa opisyal nga seryuso sila sa pagdisiplina sa mga motorista hinungdan nga aduna silay mga bag-ong inisyatiba og programa nga ipatuman sa buhatan lakip na usab niini ang dugang nga 171 ka mga deputized agents nga gikan sa 9 lang niini.
Gihimug-atan ni Dinglasan nga kinahanglan nga istrikto ang pagpatuman sa mga sakop sa LTO ngadto sa mga motorista samtang padayon nga magpabilin ang paghatag og respeto sa mga motorista.
