Mitumaw ang pagbaha ug pagdahili sa yuta sa Darjeeling, northern India tungod sa kusog nga bundak sa uwan sa rehiyon niadtong Dominggo, Oktubre 5, 2025.
Gitaho nga anaa na sa dili muminos 20 ka tawo ang namatay tungod sa maong katalagman diin tibuok gabii mubndak sa 300 millimetres (12 inches) ang pag-uwan nga nakapa-apaw sa mga suba ug makapahumok sa kabukiran sa distrito sa sidlakang estado sa West Bengal nga nakapahinabo og dakong kadaot.
Ang kusog nga naghaguros nga tubig misampak sa mga taytayan og mga dalan.
Sa pamahayag ni Indian Prime Minister Narendra Modi diin gihulagway niini nga usa kini sa masulub-ong pagkawala sa kinabuhi saiyang mga kababayan.
Gidugang sa mga awtoridad nga hugot nilang ginamonitor ang padayong pag-uwan ug ingon man ang pagdahili sa yuta.
Ang mga pagbaha ug pagdahili sa yuta kay sagad masinati sa maong lugar ilabi na kung monsoon season apan sumala sa mga eksperto sa climate change ug inabagan sa bulay-og nga mga planned development kay nakatampo kini sa sagad kusog nga kadaot sa panahon.
