![](https://img.bomboradyo.com/cebu/2019/12/20191213-battle-of-mactan.jpg)
LAPU-LAPU CITY, Cebu – Nakahan-ay na ang mga aktibidad sa dakbayan sa Lapu-Lapu sa ika-500 katuig nga kasumaran sa ‘Kadaugan sa Mactan’.
Sa pakighinabi sa Bombo Radyo Cebu, gipahibalo ni Lapu-Lapu City Mayor Junard ‘Ahong’ Chan nga nahimong malampuson ang ilahang pag-abli sa 500-day countdown kagahapong adlawa diin aduna kini silay ‘giant lantern’ nga gipasiga sa Mactan Shrine kung diin nag-attract sa mga lokal ug langyaw nga mga turista.
Matud pa nga sugod sunod tuig sugdan na ang katukuran sa Lapu-Lapu Museum and Mausoleum nga magbunta-og sa kabaybayonan.
Sigon ni Mayor Chan nga target nilang mahuman ang maong edipisyo usa katuig sa dili pa ang adlaw sa Kadaugan sa Mactan.
Gibutyag usab sa mayor nga gihangyo na niini ang mga nanag-iya ug hotels and resorts nga magbutang ug dayandayan arun nga makadugang sa atraksyon sa mga turista, butang nga gidungog usab sa mga management.
Gipadayag ni Mayor Chan nga angayan nga isaulog ug ipasigarbo ang gibuhat ni Lapu-Lapu batok sa mananakop nga si Ferdinand Magellan.