CEBU – Gipusil-patay ang usa ka lalaki nga lending collector sa wala pa mailhing mga suspetsado gabii, Miyerkules, Marso 30, 2022.
Gi-pusil sa makadaghang higayun ang maong lalaki,sa dihang nagsugba kini ug baboy,ug kalit nga mitunga ang suspect sa luyong bahin sa biktima,ug nahitabu ang maong insidente sa Sitio Lawis, Barangay Lorega, dakbayan sa Sugbo.
Giila ni PSSG Nemecio Dinopol ang imbistigador sa Parian Police Staion ang biktima nga si Arnie Puyat,26, taga Barangay Guadalupe, dakbayan sa Sugbo.
Dugang pa,sa initial nga imbestigasyon sa kapulisan naigo kini sa ulo ug sa buko-buko nga bahin sa lawas,apan wala pa masuta kung pila ka bala ang miigo.
Giingung kabhang sa 45 nga pusil ang gigamit sa suspect sa pagpamusil sa biktima.
Kasamtangang,padayun pa ang imbistigasyon sa mga kapulisan arun sa pagsuta kung unsa ang hinungdan sa pagpatay sa maong biktima,ingun man sa pag-ila sa suspect niini.
Nanawagan ang sakop sa kapulisan sa publiko nga makig-alayon kanila, kung ugaling adunay nahibaw-an nga vital information,arun mahatagan ug kasobaran ang kamatayon sa biktima.
