Liboan ka litro sa tubig mainom, gihatod sa mga biktima sa pagbuto sa Kanlaon

Gidala na usab sa Office of Civil Defense ang liboan ka litro nga tubig sa mga biktima sa pagbuto sa Kanlaon.

Basi sa katapusang report sa OCD Western Visayas, moabot sa 2,000 ka litro nga tubig nga mainom ang nadala sa mga apektadong residente sa Negros Islands alang magamit sa unang mga bakwit.

Sukad sa unang pagbuto sa bulkan niadtong Disyembre 9, ang OCD pinaagi sa opisina niini sa Kasadpang Kabisay-an nakahatag na og kinatibuk-ang 5,680 ka binotelyang tubig ngadto sa mga apektadong residente.

Sumala sa OCD, ang mga rehiyonal nga buhatan niini nagtinabangay alang sa mga biktima sa pagbuhagay sa Kanlaon isip kabahin sa hiniusang paningkamot sa pagtabang.