LAPU-LAPU CITY-Gitangtang sa Commission on Elections (Comelec) Lapu-Lapu City Office ang kapin sa liboan ka mga campaign posters nga ilegal nga gipamutang sa mga pampublikong lugar sa dakbayan sa Lapu-Lapu.
Lakip sa maong illegal nga mga dapit nga gipangbutngan og campaign materials kay ang mga poste sa kuryente ug mga punuan sa kahoy sa mga nagkadaiyang barangay sa maong dakbayan.
Gisubli usab sa buhatan sa panawagan sa mga kandidato para sa eleksyon karong tuiga nga mogamit mga biodegradable materials sa ilagn mga campaign paraphernalia.
Gitino sa election officer sa dakbayan sa Lapu-Lapu nga ang mga tarpaulin nga ginama sa non-biodegradable materials, sama sa plastic kay maoy namatikdang nga item nga ginagamit sa panahon sa kampanya ka hilabihang makalapas sa balaod sa eleksyon.
Ubos sa mga regulasyon sa Comelec, gidili ang dagko ug non-biodegradable nmaterials para sa campaign paraphernalia.
Gitugotan lang ang mga kandidato sa eleksyon sa ilang mga campaign posters mabutang sa mga common posting area ug mga pribadong lugar basta adunay pagtugot sa tag-iya nga aduna lang gidak-on nga 2 feet by 3 feet, samtang ang mga slate poster sa mga local nga partido kay kinahanglan dili molapas sa 12 feet by 16 feet, nga adunay gilapdon nga 192 square feet.
