Nakapatay sa labing menos 1,000 ka mga tawo, tugod sa ka pagdahili sa yuta sa Marra Mountains sa kasadpang Sudan, ug gikumpirma sa rebeldeng grupo nga The Sudan Liberation Movement/Army.
Kini human sa mga adlaw sa kusog nga ulan nga niresulta sa pagdahili sa yuta niadtong Domingo nga nagbilin lamang og usa ka survivor ug kadaghanan niini anaa sa baryo sa Tarasin.
Agi’g tubag niini, ang grupo naghangyo alang sa humanitarian nga tabang gikan sa United Nations ug uban pang rehiyonal ug internasyonal nga mga organisasyon.
Kaniadto, daghang mga residente gikan sa estado sa North Darfur ang nangalagiw sa rehiyon sa Marra Mountains pagkahuman sa panagsangka tali sa kasundalohan sa Sudan ug sa paramilitar nga grupo nga Rapid Support Forces, nga nagpugos kanila gikan sa ilang mga balay ug miresulta sa ilang pagbakwit.
