Tuyo sa LAB project program sa mga sakop sa PNP Bohol ug kolaborasyon sa BALAY SA PAGLAUM nga mahatagan og disente ug simple nga panimalay alang sa mga katawhan nga labing naghigos hilabi na sa pagpatukod ug luwas ug hamugaway nga pinuy-anan.
Dugang pa niini, nga ang tumong dili lang usab sa pagpatukod ug balay apan lakang kini aron mahibalik ang pagsalig sa mga katawhan ngadto sa mga kapulisan.
Gihingusgan ang maong proyetko subay sa tumong ug tuyo sa Junta Probinsyal sa Bohol ug sakop sa PNP Bohol.
Kini pinaagi sa paglusad sa Memorandum of Agreement, subay usab sa pagsaulg sa Police Community Relations Month.
Sa pagkakaron, aduna nay sobra 200-ka mga panimalay ang gipaabut nga tukoron alang sa mga benepisyaryo sa maong programa. | Bombo Nathaniel Sandoval
