Nipahigayon og lihok-protesta ang gatusan ka mga tawo sa kadalanan sa sentro sa Nanyuki, Kenya niadtong Lunes aron supakon ang plano sa Estados Unidos sa pagtukod og Ebola quarantine facility sa usa ka base militar sa Laikipia County.
Ang maong protesta mibutho pipila ka adlaw human nagpagawas og kamanduan ang High Court sa pagpahunong sa proyekto tungod sa mga kabalaka nga mahimo kini nga risgo sa panglawas sa publiko.
Bisan pa sa maong mando sa korte, namatikdan ang padayon nga kalihokan sa mga eroplano sa militar sa US sa Nanyuki niining miaging semana, nga gituohang kabahin gihapon sa pagpangandam alang sa maong pasilidad.
Sumala sa mga opisyal sa US, ang 50-bed nga unit gituyo lamang alang sa mga Amerikano nga naladlad sa Ebola apan wala pa magpakita og sintomas (asymptomatic).
Sa pikas bahin, gipanalipdan ni Kenya Defense Minister Aden Duale ang proyekto sa usa ka pamahayag niadtong Sabado, diin iyang gipasabot nga kabahin kini sa mas lapad nga programa sa nasod aron palig-onon ang emergency response system batok sa mga makamatay nga sakit.
