Gipasabot sa usa ka Political Analyst ang duha ka nag-unang aspeto sa impeachment trial, una ang politikal ug ang ikaduha ang legal, diin mga pundasyon nga angay sabton sa publiko.
Atol sa pakighinabi sa Bombo Newsteam kang Christopher Ryan Maboloc, nga ang impeachment adunay politikal nga kinaiya nga nagdepende sa sentimento sa publiko ug kung giunsa pagpresentar ang mga basehan niini atol sa debate.
Gihimug-atab ni Maboloc nga adunayt legal o konstitusyonal nga gambalay, lakip na ang mga balaod, mga lagda sa Senado, ug mga proseso nga nagsiguro nga ang mga pagdungog mahimong patas ug transparent.
Gipunting usab niya nga dako ang suporta nga nakuha sa Bise Presidente, ilabi na sa mga probinsya sa Mindanao ug Visayas, partikular na sa Central Visayas. Tungod niini, ang epekto sa bisan unsang lakang nga nagtinguha sa pagpaubos sa iyang katungdanan mahimong komplikado, ug dili basta-basta makahimo og desisyon kung wala pay hingpit ug lawom nga imbestigasyon.
Gipaambit usab niini nga ang kasamtangang kontrobersiya bahin sa impeachment usa ka pribadong butang ug naglangkob lamang og mga pasangil nga walay pormal nga ebidensya.
Kini ang gikanayon ni Christopher Ryan Maboloc, atol sa pakighinabi sa Bombo Radyo Cebu Newsteam, nga ang mga basehan nga gipresentar sa nagkalain-laing mga pasangil dili patas ug walay konkretong ebidensya, ingon man nga puro lamang kini mga pangagpas.
Dugang pa niya, kung hisgotan kung makatabang ba kini sa seguridad sa nasud, ilabi na sa operasyon sa pipila ka mga kompanya, walay klaro ug napamatud-ang ebidensya nga ang maong isyu inay nakaapekto na sulod sa nasud.
Gipunting usab niya nga ang nagkadako nga mga isyu ug mga petisyon alang sa impeachment kabahin lamang sa politikal nga aspeto, nga naglambigit sa usa ka inila nga hisgutanan nga gilaumang motumaw pa sa umaabot nga mga adlaw.
