Lima ka tonelada sa mga campaign posters, naimbargo sa OPLAN baklas sa Mandaue

Naimbargo ang sobra lima ka tonelada nga mga campaign posters atol sa gipahigayung Oplan baklas sa Commission on Elections sa Mandaue City.

Kini human sa gipahigayung ika-3 nga hugna sa pag-panangtang sa mga campaign materials nga nakalapas sa lagda sa Comelec nga gisublian niadtong Marso 28, 2025.

Apil sa mga gipang-imbargo sa Oplan baklas mao ang mga campaign posters sa local ug National elections.

Samtang sa pikas bahin, nanginlabot usab ang Department of Public Works and Highways; Traffic Enforcement Agency sa Mandaue; ug ang Mandaue City Police Office sa pagpanangtang sa mga campaign paraphernalia.

Matud pa sa Comelec, nga bisan pa sa gidaghanon sa ilang nakolekta, wala ra sab silay gi-issue nga show cause order sa mga kandidato.