CEBU CITY (Update) — Natugaw ang mga Sugbuanon sa kusog-kusog nga linog ning sayo sa kabuntagon.
Kini human nga miigo ang magnitude 5.5 nga linog partikular na sa lalawigan sa Leyte ug sa mga kasikbit niini.
Base sa tala sa PHIVOLCS, nahimutang ang epicenter niini sa 8 kilometers South sa Leyte, Leyte.
Aduna kini gilawmon nga 9 kilometers ug tectonic ang origin niini.
Natala ang Intensity V sa Leyte, Kananga, Capoocan, ug Pastrana, sa lalawigan sa Leyte; Tacloban City ug Ormoc City.
Intensity IV usab sa Palo, Dulag, Babatngon, Alang-alang ug Palompon, sa Leyte; sa Mandaue City ug Cebu City; ingon man usab sa Naval, Biliran.
Samtang nabati-an usab ang Intensity III sa dakbayan sa Lapu-lapu City, ug Lawaan, Eastern Samar.
Sa laing bahin, nasinati usab ang instrumental intensities sa nahisgutang mga lugar:
Instrumental Intensities:
Intensity IV – Ormoc City; Naval, Biliran; Borongan City;
Intensity II – Bago City;
Intensity I – Masbate City; Roxas City
