Lionel Richie, gidala sa ospital human sa konsiyerto

Gidala sa ospital ang mag-aawit nga si Lionel Richie human sa iyang konsiyerto sa The Muny sa Forest Park, St. Louis, Missouri.

Matud sa report, nakasinati siya og gamay nga dehydration human sa pasundayag ug gipili nga magpa-checkup sa ospital.

Nabantayan usab sa mga nanan-aw nga daw nagsuka-suka si Richie atol sa konsiyerto.

Sa iyang katapusang kanta nga “All Night Long,” milingkod na lamang siya samtang nagpadayon sa pagkanta.

Kahinumduman nga niadtong Hulyo, gidala usab sa ospital si Richie human siya nakasinati og trangkaso atol sa iyang pasundayag sa St. Paul, Minnesota.