Gikatakdang mopagawas si Lisa sa girl group nga Blackpink og bag-ong single karong Agosto, nga kauban ang Spanish superstar nga si Rosalia.
Mao kini ang gipaambit sa usa ka ahensya sa Thai K-pop sensation.
Sa X account niini, ang LLOUD nag-drop og teaser nga litrato alang sa umaabot nga single ni Lisa nga “New Woman,” nga gikatakdang idrop karong Agosto 16.
Ang album niini, moabut sa wala pa’y duha ka bulan human gipagawas ang single niini nga “Rockstar.”
Sa wala pa ang pagpagawas sa single, si Lisa gikatakda usab nga moapil sa iyang mga kauban sa Blackpink alang sa usa ka pribado nga personal fan event karong Agosto 8 aron saulogon ang ikawalong anibersaryo sa grupo.
Samtang, si Rosalia naila usab sa iyang international stardom pinaagi sa pagsagol sa tradisyonal nga Espanyol nga ritmo sa contemporary pop diin pipila sa iyang mga talagsaong kanta naglakip sa “Malamente,” “Con Altura,” ug “Yo x Ti, Tu x Mi.”
