Nitaho ang Department of Public Works and Highways nga posibleng madugangan ang Load Limits sa San Juanico Bridge sa umaabot nga mga buwan.
Kini ang gihimo nga pamahayag ni DPWH Secretary Manuel Bonoan kasunod sa rehabilitasyon sa maong tulay.
Matod sa kalihim, temporaryo lang ang tulo ka tonelada nga limitasyon sa karga sa maong taytayan.
Matod niya nga base sa ilang projection, posibleng mapataas ang load limits sa katapusan ning tuig.
Giklaro sa ahensya nga kadaghanan sa mga sakyanan gitugotan nga makaagi sa taytayan gawas nalang sa mga bug-at nga sakyanan sama sa mga cargo truck.
Matod niya ang DPWH nagpadayon usab sa pagpangita og alternatibong mga rota isip ekonomikanhong konsiderasyon sa ilang pagpadayon sa pag-ayo sa taytayan.
Nagtuo ang kalihim nga niining paagiha, malikayan ang epekto sa inflation sa mga apektadong lugar.
