CEBU CITY-Nag inspeksyon ang LTFRB-7 sa mga terminal sa dakbayan alang sa pagsusi sa mga sakyanan kon ‘road worthy’ sa nagkadoul nga pasko ug bag-ong tuig.
Gibutyag ni Eduardo Montealto ang regional director sa LTFRB-7 nga aduna silay mga personnel nga gipakatap aron sa pag-assess sa mga pasahero sa ilang mga pangutana og gisusi maayo ang mga sakyanan kon road worthy tungod kay dili makadagan ang usa ka sakyanan kon anaay deperensya.
Dugang niini, mu issue usab ang LTFRB-7 og ticket diin maka penalty ang maong drayber kon mu sukwahi kini sa gimando sa LTFRB-7.
Matod ni Montealto nga ang culurom nga mga sakyanan sa dakbayan nagkadaghan gumikan kay dili mailhan kon anaa bay franchise apan gisusi na kini alang sa seguridad sa mga pasahero.
Giawhag usab ni Montealto ang tanan nga mga pasahero nga dili mu sakay sa culurom nga mga sakyanan tungod kay delikado og wala’y insurance ang sakyanan og ang mga pasahero.
Sa pikas bahin, giawhag ni Montealto ang mga pasahero kon aduna’y overloading, pictureran ang plate number og i-report sa LTFRB-7 aron nga ma showcase ug mahatagan ug penalty.
